બરફનો પહાડ થઈ મારા પર વહી જાજે,
હું ક્યાં કહું છું કે મારામાં ઓગળી જાજે...
હું ક્યાં કહું છું કે મારામાં ઓગળી જાજે...
જો મૌન થઈને તું મારા હ્રદયમાં રહી ન શકે,
તો આવ હોઠ સુધી શબ્દ થઈ ઊડી જાજે...
તો આવ હોઠ સુધી શબ્દ થઈ ઊડી જાજે...
હું શ્વાસ શ્વાસનું સામીપ્ય ઝંખતોય નથી,
હું ગૂંગળાઉં નહીં એ રીતે વહી જાજે...
હું ગૂંગળાઉં નહીં એ રીતે વહી જાજે...
તૂટું તૂટું થઈ રહી છે સંબંધની ભેખડ,
જવું જ હોય તો હમણાં જ નીકળી જાજે...
જવું જ હોય તો હમણાં જ નીકળી જાજે...
જવું જ હોય તો રોકી શકે છે કોણ તને ?
હું તો અહીં જ હઈશ, આવ તો મળી જાજે...
હું તો અહીં જ હઈશ, આવ તો મળી જાજે...
- જવાહર બક્ષી